Hopp til hovedinnhold

Tilskot til spesielle rettshjelpstiltak

Organisasjonar som har rettshjelpstilbod for særleg utsette grupper og personar i ein særleg vanskeleg situasjon, kan få tilskot til spesielle rettshjelpstiltak. Ein kan få tilskot til juridisk bistand til personar som er omfatta av målgruppa, og til rettspolitisk arbeid som gjeld målgruppa. Tilskotsordninga er open og søknadsbasert, og det er Sivilrettsforvaltningen som har ansvar for ordninga.

Generelt om ordninga

Tilskot til spesielle rettshjelptiltak har som føremål å leggje til rette for kostnadseffektive rettshjelptilbod retta mot særleg utsette grupper og personar i ein særleg vanskeleg situasjon, som kan oppfatte at terskelen for å oppsøke ordinær juridisk bistand er høg.

Ein kan få tilskot til juridisk bistand til personar som er omfatta av målgruppa, og til rettspolitisk arbeid som gjelder målgruppa. Tilskotsordninga er ei open og søknadsbasert ordning, vedteke som forskrift i desember 2020.

Kva kan tilskotet brukast til?

Det kan givast tilskot til både juridisk hjelp og rettspolitisk arbeid.

Det kan givast tilskot til

  • drift av organisasjonar som berre driv med rettshjelpsverksemd
  • avgrensa prosjekt innanfor rettshjelpsverksemda.
  • rettshjelp ved advokatvakt

Det blir ikkje gitt tilskot til

  • ordinær drift av advokatvakt (berre rettshjelpa)
  • rettshjelp som ikkje er gratis for brukarane

Søk om tilskot

For informasjon om kva søknaden elles skal innehalde, kan du sjå § 6 i forskrifta om tilskot til spesielle rettshjelpstiltak.

Tildelingar

Informasjon om tildelinga for 2024 og tidligare år, finn du på tilskudd.no.

Årsrapportering

Tilskotsmottakarane rapporterer årleg i tråd med krav og fristar i tilskotsbreva frå Sivilrettsforvaltninga.

Fristen for å rapportere er 1. april kvart år.

Forskrift for tilskotsmottakarar

Forskrift om tilskot til spesielle rettshjelpstiltak.