Handlingar som kan gjerast innanfor ordninga er særleg betaling av rekningar, å kjøpe erstatning for eigedelar som blir øydelagde eller utbrukt, betaling av skattar, å gi vanlege gåver av mindre storleik ved bursdagar, jul og liknande og dekning av vanleg forbruk. Viss det er behov for å gjere større disposisjonar må det vanlegvis opprettast verjemål. Det same gjeld viss familiemedlemmen treng hjelp til ting som ikkje handlar om økonomi.
Den nærståande treng inga fullmakt frå familiemedlemmen for å handle for personen. Representasjonsretten gjeld i prioritert rekkjefølgje ektefelle eller sambuar, deretter barna, barnebarna og til slutt foreldre. Søsken blir ikkje rekna som nærståande etter føresegna om legalfullmakt.